Հաքան Ֆիդանը հանդիպել է «ՀԱՄԱՍ»-ի պատվիրակության հետ
Թուրքիայի արտաքին գործերի նախարար Հաքան Ֆիդանն Անկարայում հանդիպել է պաղեստինյան «ՀԱՄԱՍ» խմբավորման քաղբյուրոյի անդամ Հալիլ էլ-Հայյեի գլխավորած պատվիրակության հետ։ Այս մասին գրել է ermenihaber.am-ը:
Հանդիպման ընթացքում կողմերը քննարկել են Իսրայելի կողմից հրադադարի համաձայանգրի խախտումները, ինչպես նաև Գազայում քաղցկեղով հիվանդների բուժման նպատակով Թուրքիայի կողմից կառուցված «Թուրքիայի բարեկամության հիվանդանոցի» քանդման հարցը։
ՀԱՄԱՍ-ի պատվիրակությունը վերահաստատել է համապարփակ զինադադարի, գերիների փոխանակման և Գազայից Իսրայելի զինուժի ամբողջական դուրսբերման պահանջները:
