Թրամփը սպառնացել է ԵՄ-ից ներկրվող բոլոր ալկոհոլային խմիչքների համար 200% մաքսատուրքեր սահմանել
ԱՄՆ-ն կարող է 200% մաքսատուրքեր սահմանել ԵՄ-ից ալկոհոլային խմիչքների, այդ թվում՝ գինու ներկրման համար, եթե ԵՄ-ն չչեղարկի ԱՄՆ-ից վիսկիի ներկրման համար մաքսատուրքերը։ Այս մասին ԱՄՆ նախագահ Դոնալդ Թրամփը հայտարարել է Truth Social-ում։
Ինչպես նշել է Թրամփը, ԵՄ-ն սահմանել է վիսկիի «չար» 50 տոկոսանոց մաքսատուրք։
«Եթե այդ մաքսատուրքերը անհապաղ չհանվեն, ԱՄՆ-ն շուտով 200 տոկոս մաքսատուրքեր կսահմանի Ֆրանսիայից և ԵՄ այլ երկրներից գինու, շամպայնի և ալկոհոլ պարունակող բոլոր ապրանքների վրա: Սա հիանալի կլինի Միացյալ Նահանգների գինու և շամպայնի արդյունաբերության համար», – ասել է նա:
