Թրամփը հայտարարել է, որ Վենեսուելան համաձայնել է ընդունել անօրինական միգրանտներին
ԱՄՆ նախագահ Դոնալդ Թրամփը համաձայնության է եկել Վենեսուելայի հետ, որը համաձայնել է ընդունել իր բոլոր քաղաքացիներին, ովքեր անօրինական կերպով գտնվել են ԱՄՆ տարածքում։ Այս մասին հայտնում է RIA Novosti-ն։
Թրամփը պնդում է, որ Կարակասը համաձայնել է հայրենիք վերադարձնել ԱՄՆ-ում գտնվող Վենեսուելայի բոլոր քաղաքացիներին՝ առանց մուտքի թույլտվության, այդ թվում՝ «Tren de Aragua» հանցավոր խմբի անդամներին:
Բացի այդ, ամերիկացի առաջնորդի հայտարարության համաձայն, Վենեսուելան իր վրա է վերցնում այդ միգրանտներին հայրենիք վերադարձնելու գործընթացի կազմակերպման և ֆինանսավորման պատասխանատվությունը։
