Թուրքական կողմը ևս կմասնակցի Ռուսաստանի և Ուկրաինայի միջև Ստամբուլում անցկացվելիք բանակցություններին. РИА Новости
Թուրքական պատվիրակությունը ներկայացված կլինի այս շաբաթ Ստամբուլում նախատեսված Ռուսաստանի և Ուկրաինայի միջև բանակցություններին, РИА Новости-ին հայտնել է գործընթացին ծանոթ թուրք բարձրաստիճան պաշտոնյան։
Թուրքիայի արտգործնախարար Հաքան Ֆիդանը երեքշաբթի հայտարարել է, որ Ռուսաստանի և Ուկրաինայի պատվիրակությունների միջև բանակցությունները տեղի կունենան այս շաբաթ Ստամբուլում, և Թուրքիան ակնկալում է, որ երկխոսությունը կշարունակվի։
«Ներկայացված կլինի», -շեշտել է գործակալության աղբյուրը՝ պատասխանելով այն հարցին, թե արդյոք թուրքական պատվիրակությունը ներկայացված կլինի Ստամբուլում անցկացվելիք բանակցություններին։
Ռուսաստանը և Ուկրաինան արդեն երկու անգամ բանակցություններ են վարել Ստամբուլում։ Արդյունքում տեղի ունեցավ գերիների փոխանակում։ Բացի դրանից, Մոսկվան Կիևին է հանձնել զոհված ուկրաինացի զինծառայողների մարմինները։
