Երևանի և Բաքվի միջև խաղաղության համաձայնագիրը բեկումնային կլինի. Միրզոյան
Երևանի և Բաքվի միջև խաղաղության համաձայնագիրը բեկումնային կլինի: Sputnik Казахстан-ի փոխանցմամբ, Աստանա կատարած այցի ժամանակ ասել է ՀՀ ԱԳ նախարար Արարատ Միրզոյանը։
«Երկար բանակցություններից հետո եկել է համաձայնագիրը ստորագրելու և Հարավային Կովկասում խաղաղության հասնելու և տնտեսական հնարավորությունների բացման ուղղությամբ առաջ շարժվելու ժամանակը»,-ընդգծել է նա:
«Հայաստանի դիրքորոշումը հստակ է՝ երկու պետությունների տարածքային ամբողջականության ճանաչում և սահմանազատման գործընթացի անցկացում՝ Ալմաթիի հռչակագրի դրույթի հիման վրա։ Ակնհայտ է, որ կարևոր է նաև մարդասիրական հարցերի լուծումը, այդ թվում ՝ անհայտ կորածների ճակատագրերի պարզումը և ռազմագերիների ու պահվող քաղաքացիական անձանց ազատ արձակումը», – ասել է Հայաստանի արտգործնախարարը։
«Հայաստանը նախատեսում է առևտրային տաղավարներ բացել Ղազախստանի մարզերում»,- նշել է նա:
Ղազախստանի փոխվարչապետ, ԱԳ նախարար Մուրատ Նուրտլեուն իր հերթին ասել է, որ ապագայում Ղազախստանը կրթաթոշակներ կհատկացնի Հայաստանից ժամանած ուսանողների համար:
Բանակցությունների ընթացքում նախարարները քննարկել են նաև առևտրատնտեսական և այլ հարցեր։ Միրզոյանը Նուրթլեին հրավիրել է Երևան
