Ավտոբուսի վարորդները երբեմն հրաժարվում են վարել, քանի որ իրենց աշխատանքային պայմանագրով նախատեսված է հետևել վճարումների կատարմանը. Ավինյան
Որոշ քաղաքացիներ տարբեր դրդապատճառներով շարունակում են չվճարել ուղևորափոխադրման համար: Ավտոբուսների ներսում տեղի են ունենում տարատեսակ միջադեպեր, երբ ավտոբուսների վարորդները հրաժարվում են վարել, քանի որ իրենց աշխատանքային պայմանագրով նախատեսված է հետևել վճարումների կատարմանը: Այս մասին Երևանի քաղաքապետարանի գործակարգավարական նիստի ժամանակ ասել է քաղաքապետ Տիգրան Ավինյանը:
«Այս հարցում վարորդներին իմ աջակցությունն եմ հայտնում, չնայած տեսնում եմ, որ երբեմն կոշտ արձագանքով միջադեպեր կան»,- նշել է նա:
