ԵՄ երկրները պայմանավորվել են երկարաձգել Ռուսաստանի դեմ պատժամիջոցները

ԵՄ անդամ 27 երկրների արտաքին գործերի նախարարները համաձայնության են եկել՝  երկարաձգելու Ռուսաստանի դեմ ուկրաինական հակամարտության պատճառով սահմանված պատժամիջոցները, որոնց ժամկետը լրանալու էր հունվարի 31-ին։ Պատժամիջոցները երկարաձգվել են ևս 6 ամսով։

Այդ մասին ՏԱՍՍ-ին հայտնել է ԵՄ խորհրդում եվրոպական երկրներից մեկի պատվիրակության աղբյուրը։

«Այո, ԱԳ նախարարները հավանություն են տվել պատժամիջոցները երկարաձգելու որոշմանը»,- ասել է աղբյուրը։